Afrikaanse Drama: Onvoorbereide Individuele Items    

Alle onderwerpe word deur die beoordelaar verskaf.

Kreatiewe Advertensie

• Die deelnemer moet 'n sekere produk adverteer bv. seep, tandepasta ens.
• Die onderwerp/voorwerp sal 5 min voor optrede deur die beoordelaar verskaf word.

Onvoorbereide Bladlees Poësie

• Vyf minute voorbereiding word toegelaat voor optrede.

Onvoorbereide Bladlees Prosa

• Vyf minute voorbereiding word toegelaat voor optrede.

Improvisasie

• 'n Oorspronklike toneeltjie moet aangebied word deur een persoon waarin 'n situasie deur middel van spraak, gebare en beweging uitgebeeld word.
• Twee onderwerpe word 5 minute voor optrede beskikbaar gestel.
• Die deelnemer moet 1 onderwerp kies en self aankondig.
• 'n Vrye interpretasie waar gebruik gemaak word van 'n verteller, karakter, uitbeelding en gesprekke met 'n denkbeeldige karakter (die verteller mag egter nie oorheers nie) of 'n tradisionele interpretasie waar een karakter voortdurend met 'n fiktiewe persoon in wisselwerking is.

Gevorderde Improvisasie

• Die deelnemer MOET gebruik maak van dekor en rekwisiete wat op die verhoog geplaas is en dit as sulks gebruik.
• Geen onderwerp hoef aangekondig te word nie. Dit moet in monoloogvorm aangebied word.
• Voorbereidingstyd: 1 minuut

Onvoorbereide Mimiek

• 'n Oorspronklike toneeltjie waarin 'n situasie slegs deur gebare en beweging uitgebeeld word, moet aangebied word.
• Twee onderwerpe word 5 minute voor optrede aan die deelnemer oorhandig.
• Een word gekies en self aangekondig.